எழுதபடாத கவிதைகள் -10: பிறந்தநாள் விழுதுகள்

முடிச்சு முடிச்சாய் ஆசைகள் - சேர்த்துகட்டிய
தோரணமாய் ஆசிகள்...

இன்னும் இன்னும் கிளைக்கும் இன்பங்கள் - ஒன்றுகூடி
மூழ்கடிக்கும் வாழ்த்துக்கள்...

கூடிக்கொண்டே போகும் சுற்றங்கள் - இந்நாளில்
தூக்கிக்கொண்டு ஓடும் நல்லெண்ணங்கள்...

தூரத்து சொந்த மேகங்கள் - பொழிந்ததை
பிடிமான வேர்கள் பிடித்துக்கொடுக்க...

தூவியதெல்லாம் ஆசிகளே - மணமக்கள்
மேல்விழும் அர்சதை மழைகளே....

மேலே விழுந்தாலும் விழாவிடினும் - வேர்கள்
மேலே கொண்டுசேர்க்கும்...

ஒவ்வொரு பிறந்த நாளும் - புதுமரம்
வாழ்த்துக்கள் யாவும் விழுதுகள்....

கனவுகள்  மட்டுமல்ல ஊக்கமருந்துகள்  - இதுபோன்ற
ஆசையான ஆசிகளும் வெற்றிக்கு ஏறச்செய்யும் விழுதுகள்...

வேர்கள் மட்டுமல்ல விழுதுகள் கூட பலம்தான்....