கட்டிடத்தின் தூளுள்- செத்து
விட்டப் பிள்ளை
கண்டவுடன் நெஞ்சம் - உள்ளே
சிந்துதடி ரத்தம்.
வெட்டிவிட்டு போனால் - என்
வாழ்க்கை நலமாகும்
விட்டுவிட்டு போனால் - என்
உள்ளம் பலியாகும்
தட்டிகேட்கவே காவல் இல்லையே - எங்கு
வரும் நியாயம்
பட்டியடைத்து கொன்று திரியும்- பூமி
எங்கும் கோரம்
நலம் புரிவார் - இல்லையே
நல்ல புகழிது இல்லையே
பலிக் கணக்கில் - இல்லையே
பறிக் கொடுத்தோம் பிள்ளையை
இனி எதிர்காலத்திலே - நமக்கோர்
நல்வாழ் வில்லையே கிளியே
வையம் திருவாய் - மொழிந்தால்
கொஞ்சம் திருப்பம் விளையும்
அது திறக்கா - திருந்தால்
இனி இறப்பே நிலையும்
புவினர்க்கோர் கடமை - அதை
கடத்தல் கடுமை
அமைதினையே கேட்டோம் - அட
அதற்கேன் பொறுமை
Post a Comment