நூறாம் பறிவி நோயாய் பெற்றேன்
பேறாம் பிறவா பேரைத் தேடி
கூறா வினைகள் கூடா வண்ணம்
ஆறாம் துணையை அன்பால் கண்டேன் 1
சீராம் குணங்கள் சொல்லக் கேட்டே
நேராய் வளரும் நேர்மை கொள்ள
ஓராய் நகரும் ஒற்றை நெஞ்சை
ஊரார் விழையும் உண்மை ஒன்றே 2
மாறும் விதியில் மாறா வண்ணம்
கூறும் விடையை கேளா திங்கே
நாறும் பிணத்தில் நாட்டம் வைத்தே
ஈறும் நெருங்கும் ஈனம் கொண்டேன் 3
நீராய் நிலமாய் நெருப்பாய் நின்றே
நேராய் நிலையாய் நினைவில் நின்ற
ஓரான் எனையே ஔியுள் வைத்து
தீரா அறிவை தருவாய் என்றே 4
யாரைக் கேட்பேன் யாரை நோவேன்
ஊரைத் தேட ஊராய் ஆனாய்
கூரை யில்லாக் கூடல் உள்ளே
தாரைச் சிந்தித் தூயன் ஆனேன்.. 5
நத்தை முதுகில் நிற்கும் உலகாய்
சித்தம் தெளியா சிந்தை அறியேன்
மத்தை கடைய மிக்கும் தயிராய்
வித்தை அறியா விந்தை இதுவே 6
வந்து வந்து விரைவில் போக
நொந்து நொந்து நிறைவும் போக
வெந்து வெந்து விறகே தீர
இந்த விந்தை இறப்பும் ஏனோ. 7
குற்றம் செய்தே குன்றும் புண்ணியம்
சுற்றம் சேர்த்தே செய்கும் தீவினை
முற்றும் தீர்க்கும் மார்க்கம் ஏதென
சுற்றும் என்னை சற்றே காணாய் . 8
ஒருநாள் உன்னில் ஒருங்கே அமைய
வருநாள் தன்னில் வலமே வரவே
திருநாள் தன்னில் தவமே புரிய
வருவாய் நீயும் வருவாய் அறியேன். 9
குளத்தே நீந்தும் குறவைக் கூட்டம்
குளத்தை நீங்க குழைந்தே போகும்
வளத்தை தந்தாய் துணைக்கே வாராய்
தளத்தை நீங்க திறமை தாராய் . 10
Post a Comment