வேலோடும் மயிலோடும் விளையாடும் கடவுளே
காலோடும் ககனோடும் குறைதீர்க்கும் இறைவனே
மாலோடும் அயனோடும் முடிகாண சிவன்தரு
கோலோடும் கொடியோடும் குடியாளும் கடம்பனே. 1
தோலோடும் துடியோடும் தினமாடும் மகதேவர்
போலோனே புவிமீது பகையாடும் பகலவன்
போலோனே பழிபடு படைகளத் திடையொளிர்
வேலோனே வழிபட வணங்கிட இனியவா. 2
நூலோடும் நுதியோடும் நுதற்பாடு பொருளினை
சூலோடு சுழன்றாடும் சிவனோட விளக்கியே
சேலோடு அலையாடு செழுமாழி அமர்ந்தவா
ஆலோடு அமர்தானின் அருமைகொள் முருகனே. 3
ஆலோடு வினையோட அமர்ந்தாளும் கரிமுகன்
வேலோடு வினையோட வரமீந்த மலைமகள்
தாலோடு வினையோட தமையாளும் சிவன்தரு
ஆலோடு மதியருள் அருகோனின் இணையனே 4
பாலோடு பருப்பிட்டு பழமோடு தருவனே
சீலாடு சினமாற சரணங்கள் புரிவனே
தாலாடு தமிழோடு தினந்தோறும் பணிவனே
கோலோடு கொடியோடு குறைதீர புகழ்வனே. 5
நாளோடும் நலமோடும் நிதம்வாழ வழிபுரி
வாளோடு விளையாடும் இருள்வீழ வினைபுரி
தோளோடு துணையாகும் திருஞான வடிவென
தூளோடு துரும்பான திருவான முருகனே 6
ஆளோடும் அரவோடும் அகன்றானின் குமரனே
கோளோடும் குணமோடும் குறைபட்ட மனிதரை
கோளோடு கனிவான கனியான இறைவனே
வாளோடு வருதுன்பம் வெகுண்டோட அருள்வனே. 7
ஏடோடும் மணியோடும் எழிலாக அமர்ந்தவா
காடோடும் மயிலோடும் குகையேறி வசிப்பவா
நாடோரும் நலிந்தோரும் நலஞ்சேர நினைந்துநீ
ஊடோடும் உளமோடும் உருவான கடவுளே. 8
ஆடோடு மயில்சேவல் அழகாக சுமந்திட
ஓடோடி வரும்வேளே ஒயிலோனே முருகனே
கூடோடு குகனாகி குறைதீர்க்கும் கடவுளே
வீடோடு வினைதீரும் வரம்தந்த வரதனே. 9
மாடோடு மயிலோடும் மலையாவின் குடியிலே
பாடோடு வருவோரை பயன்சேர்க்கும் சிறுவனே
சூடோடு சுவையான சுடரான கடவுளே
ஓடோடி வருவாயென் ஒலியோட்டம் உணர்ந்ததும் .10
Post a Comment